„Allir hafa sögu að segja“
Rebekka Rós Þorsteinsdóttir
Rebekka Rós Þorsteinsdóttir er annar stofnandi Kyrrðarjóga og hóf sitt innra ferðalag þegar hún lendir í mótbyr í kjölfarið á líkamlegum veikindum. Leiðin til bata var löng og ströng en alveg þess virði.
Rebekka útskrifaðist sem hjúkrunafræðingur frá HÍ 2002, fór svo í framhaldsnám í svæfingahjúkrun og útskrifast árið 2012. Rebekka Rós hefur unnið á skurð og svæfingadeild Landspítalans í Fossvogi frá útskrift.
Eftir langvarandi líkamleg veikindi og álag þá fór Rebekka í árs veikindaleyfi þar sem hún fór í gegnum endurhæfingarferli hjá Virk og dvaldi meðal annars á Reykjalundi. Í kjölfarið á þeirri uppbyggingu lá leiðin í átt að jóga og hugleiðsluiðkun. Rebekka hóf nám hjá Arnbjörgu Kristínu í HAF jóga og útskrifaðist sem jógakennari í vatni árið 2016. Hún sinnti kennslu á námskeiðum í Boðaþingi og á Grensás.
Árið 2017 lauk Rebekka jógakennaranámi í Yoga Shala með áherslu á Vinyasa flæði. Einnig tók hún framhaldsnámi í jógafræðunum hjá Julie Martin – Brahmani style og er því komin með samtals 750 viðurkennda RIY tíma.
Síðustu 2 ár hefur Rebekka samhliða starfi sínu á svæfingunni í Fossvogi verið að leiða fólk inn í djúpslökun og hugleiðslu með aðferðum Kyrrðarjóga. Hennar ástríða er að hlúa að samferðafólki sínu með hjarta og hönd. Snerting er stór hluti af hennar nálgun í Kyrrðarjóga.
“Our deepest fear is not that we are inadequate. Our deepest fear is that we are powerful beyond measure. It is our light, not our darkness that most frightens us. We ask ourselves, 'Who am I to be brilliant, gorgeous, talented, fabulous? Actually, who are you not to be?” - Marianne Williamson.
Laufey Steindórsdóttir
Laufey Steindórsdóttir er annar stofnandi Kyrrðarjóga og brennur fyrir að breiða út boðskap hugleiðslu og kyrrðar. Hennar eigin hugleiðsluvegferð hófst eftir langvarandi streitu og álagstímabil í lífi og starfi.
Laufey er þriggja dætra móðir, eiginkona, hjúkrunarfræðingur og jógakennari. Hún er menntaður gjörgæsluhjúkrunarfræðingur frá Karolinska Institutinu í Stokkhólmi og vann sem slíkur í nokkur ár, áður en álag og streita urðu til þess að hún ákvað að venda kvæði sínu í kross og breyta algjörlega um takt í lífinu. Hún sagði upp starfi sínu á Landspítalanum og fór í innra ferðalag þar sem hún kynntist jóga og hugleiðslu. Hún heillaðist algjörlega af iðkuninni og fann miklar og jákvæðar breytingar á sinni líðan og heilsu. Hún útskrifaðist sem jóga nidra kennari frá Amrit Yoga Institute árið 2016 og hefur kennt jóga nidra frá útskrift. Hún lauk jógakennaranámi frá Yoga Shala-Reykjavík árið 2017 og tók síðan framhaldsnám í jógafræðunum hjá Julie Martin í Stokkhólmi. Hún útskrifaðist sem Brahmani Style kennari vorið 2019.
Í dag er jóga og hugleiðslukennsla hennar aðalstarf og kemur hún víða við í sínu starfi. Laufey hefur starfað fyrir aðgerðasvið Landspítalans og hlúð að heilbrigðisstarfsfólki með aðferðum Kyrrðarjóga. Hún heldur jafnframt námskeið og vinnustofur með samstarfskonu sinni og vinkonu, Rebekku Rós.
Megináhersla Laufeyjar er að opna töfraheim hugleiðslunnar með aðferðum Kyrrðarjóga og jafnframt að færa fólki verkfæri til að nota gegn streitu og hraða í okkar nútímasamfélagi.